किन बाइबल अन्य सबै धर्मग्रन्थहरुभन्दा फरक छ ? ६ तथ्यहरु (भिडियो सहित)

सबै धर्महरुका आ–आफ्नै धर्मग्रन्थहरु रहेका छन् । ति धर्मग्रन्थहरुका आ–आफ्नै विशेषता र महत्वहरु रहेका छन् । अद्धितिय भन्ने शव्दको अर्थ “बेग्लै, फरक वा तुलना नै नभएको” भन्ने हुन्छ । आजको यो भिडियोमा बाइबललाई कुन कुराले एक अद्धितिय धर्मशास्त्र बनाउँछ ? अर्थात कुन कुरामा बाइबल अन्य सबै धर्मग्रन्थहरुभन्दा फरक रहेको छ भन्ने कुरा हेर्नेछौ । ६ वटा तार्किक वुँदाहरु यो भिडियोमा समावेश गर्ने जमर्को गरिएको छ । 

१) लेखनमा बाइबल अद्धितिय छ ।

बाइबल एक यस्तो धर्मशास्त्र हो जो करिब १६०० वर्षको अवधीमा लेखिएको थियो । यो निकै लामो समयमा लेखिएको थियो । बाइबल करिब ४० जना लेखकहरुद्धारा लेखिएको थियो । ति ४० जना लेखकहरु फरक फरक पृष्ठभुमि र युगका मानिसहरु थिए । बाइबलका लेखकहरु कोही मछुवारेहरु, कोही गोठाला, कोही राजा, कोही मन्त्री, कोही अशिक्षित त कोही विद्धानहरु थिए । साथै बाइबल एशिया, यूरोप र अफ्रिका महादेशका विभिन्न भागहरुमा लेखिएको थियो । यसरी लामो अवधीमा ४० जना फरक फरक व्यक्तिहरुद्धारा र तिन वटा महादेशका विभिन्न भागहरुमा बाइबल लेखिएको थियो । सायद संसारमा यसरी कहिल्यै कुनै पनि धर्मग्रन्थ लेखिएन । यसरी लेखनमा ठुलो विभिद्ता भएतापनि बाइबल भित्र कुनै पनि विरोधाभास पाउन सकिन्न ।

२) यसको प्रयोग, अनुवाद र विक्रिवितरणमा बाइबल अद्धितिय छ ।

निर्विवादरुपमा बाइबल विश्वमै सबैभन्दा बढि विक्रि हुने र पढिने पुस्तक हो । एक अनुमानका अनुसार अहिलेसम्म संसारभरी करिब ५ अरबभन्दा बढि बाइबलहरु विक्रिवितरण भइसकेका छन् । आजपनि प्रतिवर्ष १० करोडभन्दा बढि बाइबलहरु छापिन्छन् र विक्रिवितरण हुने गर्दछन् । बाइबल संसारमै सबैभन्दा बढि भाषाहरुमा अनुवाद भएको धर्मग्रन्थ हो । पुरा बाइबल करिब ६०० भन्दा बढि भाषाहरुमा भने नयाँ करार वा बाइबलका केही अँशहरु ३४०० भन्दा बढि भाषाहरुमा अनुवाद भइसकेको छ । यसरी कहिल्यै कुनै पनि धर्मग्रन्थ वा पुस्तक यति धेरै भाषाहरुमा अनुवाद भएको छैन । यसरी बाइबल संसारमै सबैभन्दा बढि विक्रिवितरण हुने र सबैभन्दा बढि भाषाहरुमा अनुवाद भएको धर्मग्रन्थ हो ।

३) यसको निरन्तरतामा बाइबल अद्धितिय छ । 

करिब १६०० वर्षको अवधीमा करिब ४० जना लेखकहरुद्धारा ३ फरक महादेशहरुमा बाइबल लेखिएको भएतापनि बाइबल अहिलेसम्म जोगिन सफल भएको छ । इतिहासमा सबैभन्दा बढि आक्रमण गरिएको धर्मग्रन्थ पनि हो । रोमी साम्राज्यको बेलामा एक पटक पुरै बाइबल नष्ट भइसके भनेर रोमी सम्राटलाई रिपोर्ट दिइएको थियो । भोल्टेयरले बाइबललाई अतार्किक र रुढिवादी धर्मग्रन्थको रुपमा चिनाएर यसलाई निमिट्यान्न पार्न धेरै कोशिष् गरे । भोल्टेयर सिद्धिएर गए तर बाइबल अझै पनि एक विश्वव्यापि धर्मग्रन्थको रुपमा चिनिन्छ । यसरी लामो समयमा थुप्रै लेखकहरुद्धारा र फरक भुगोलमा लेखिएर इतिहासमा थुप्रै पटक आक्रमणको सिकार भएतापनि बाइबल आजसम्म पनि अस्तित्वमा रहनुले बाइबललाई एक अद्धितिय धर्मग्रन्थ बनाउँछ ।

४) मानव सभ्यतामाथि यसको प्रभावमा बाइबल अद्धितिय छ ।

मानव सभ्यताका सबै पाटोहरुमा बाइबलको अतुलनिय प्रभाव रहेको छ । इतिहासमा बाइबलकै कारण कैयौ जङ्गली जातिहरु परिवर्तित भएर सभ्य समाजको बाटोमा लागेका छन् । बाइबलमा दिइएको शिक्षा अति नै प्रभावकारी रहेको छ । यसले उच्चत्तम नैतिक शिक्षा दिन्छ । बाइबलले दया, प्रेम, समानता र सम्मानका साथ जिउन शिक्षा दिन्छ । बाइबलको शिक्षाबाट प्रभावित भएर नै विश्वमा ठुलाठुला सहायताकारी सँगठनहरु सुरु गरिएका थिए । साहित्य, कला, राजनिति, दर्शनशास्त्र आदि माथि बाइबलको प्रभाव अतुलनिय रहेको छ । माथि उल्लेखित सबै क्षेत्रका मानिसहरुका लागि बाइबल प्रेरणाको स्रोत बन्न पुगेको थियो । जसरी मानव इतिहासमा बाइबलले प्रभाव पार्न सफल भयो, यसले बाइबललाई अद्धितिय बनाएको छ ।

५) परमेश्वरको एकमात्र वचन भएकाले बाइबल अद्धितिय छ ।

सबै ख्रीष्टियनहरुले बाइबल एकमात्र परमेश्वरको एकमात्र वचन हो भन्ने कुरामा विश्वास गर्दछन् । बाइबलमा २ तिमोथीको पुस्तक ३ः१६ मा यसो लेखिएको छ ः “सम्पूर्ण पवित्रशास्त्र परमेश्वरको प्रेरणाबाट भएको हो.....” । बाइबल वास्तवमै परमेश्वरको एकमात्र वचन हो । यदि यो परमेश्वरको वचन नभएको भए कसरी यसले लाखौ जीवनहरु परिवर्तन गर्न सक्थ्यो ? लामो अवधीमा थुपैै लेखकहरुद्धारा विभिन्न देशहरुमा लेखिएतापनि यसका विषयवस्तुमा जुन प्रकारको एकत्व र समानता देख्न सकिन्छ त्यसबाट बाइबल परमेश्वरको वचन हो भन्ने कुरा प्रमाणित हुन्छ । बाइबलमा नै परमेश्वरले आफैलाई प्रकट गर्नुभएको छ । परमेश्वरले आधिकारिकरुपमा दिनुभएको एकमात्र वचन बाइबल हो र यस अर्थमा बाइबल अन्य सबै पुस्तक र धर्मशास्त्रहरुभन्दा अद्धितिय रहेको छ ।

६) विषयवस्तुमा बाइबल अद्धितिय छ ।

बाइबल कसरी लेखिएको थियो भन्ने कुरा माथि नै धेरै पटक दोहो¥याइसकिएको छ । बाइबलको विशेषता भनेको यसको सुरुको पानादेखि यसको अन्तिम पानासम्म पनि कहिकतै विरोधाभासका कुराहरु पाउन सकिन्न । फरक पृष्ठभुमि भएका ४० जना मानविय लेखकहरुद्धारा बाइबल लेखिएको भएतापनि आपसमा विरोधाभास वा मतान्तर पाउन सकिन्न । यो अति नै अचम्मको कुरा हो । बाइबलमा भएका वैज्ञानिक तथ्यहरुले यसलाई अद्धितिय धर्मग्रन्थ बनाउँछ । बाइबलमा कैयौ बैज्ञानिक तथ्यहरु उल्लेख गरिएका छन् जसलाई आधुनिक विज्ञानले पुष्टी गरेको छ । बाइबल एक सिङ्गो पुस्तक नभइ पुस्तकहरुको सँग्रह हो । यस भित्र इतिहास, कथा, कविता, उपदेश, भविष्यवाणीहरु र पत्रहरु समावेश गरिएका छन् । एउटा धर्मग्रन्थले यति धेरै विद्याहरुलाई समेट्न सक्नुले यसलाई अन्य धर्मग्रन्थहरुभन्दा फरक तुल्याउँछ । साथै बाइबलले सहि र सत्य इतिहास दिन्छ । कहिकतै पनि बढाइचढाइ गरेर घट्नाको व्याख्या गरेको कुरा बाइबलमा पाउन सकिन्न । यसले यहूदी जातिका पिता भनेर चिनिने अब्राहामले आफु उम्कनका लागि आफ्नी श्रिमतिलाई बहिनी भनेको कुरा पनि उल्लेख गर्दछ । दाऊद जस्तो महान् राजा कसरी व्यभिचारमा फसेका थिए भन्ने कुरा पनि उल्लेख गर्दछ । पत्रूस जो मण्डलीको खम्बा भनेर चिनिन्थे उनले कसरी येशूलाई तिन पटक अस्विकार गरेका थिए भन्ने कुरा पनि उल्लेख गर्दछन् । यि केही उदाहरणहरु मात्र हुन् । यस्ता थुप्रै उदाहरणहरु बाइबल भित्र रहेका छन् । यसले सत्यतथ्य इतिहास वृत्तान्त प्रस्तुत गर्दछ । यस अर्थमा बाइबल अद्धितिय रहेको छ ।

अन्त्यमा............

अब अन्त्यमा जेम्स मेरिटको बाइबल सम्बन्धि भनाईसँगै आजको यो भिडियोलाई बिट मार्न चाहन्छु । उनले यसो भनेको थिएः “बाइबल पढ्नुको उद्धेश्य भनेको बाइबल बारे जान्नु होइन, तर परमेश्वरको बारेमा जान्नु हो ।”  

सम्बन्धित भिडियो........

मेरो यूटूवको च्यानल सवस्क्राइव गर्नका लागि तलको लिङ्कमा क्लिक गर्नुहोस्ः
https://www.youtube.com/channel/UCFjP-GJNzfSoCgnlgA7CSdg?view_as=subscriber