बाइबल विश्वकै एक अद्धितिय पुस्तक । इतिहासमा बाइबलले लाखौ जीवनहरु परिवर्तन गर्न सफल भएको छ । मानवजातिलाई सभ्यता, मानवता र मुक्तिको बाटो देखाएर बाइबल संसारमै सबैभन्दा बढि प्रेम गरिएको पुस्तक बन्न पुगेको छ । बाइबल ख्रीष्टियनहरुको पवित्र धर्मग्रन्थ हो । बाइबल संसारमै सबैभन्दा बढि बढिने लोकप्रिय पुस्तक हो । साथै बाइबल अहिलेसम्म सबैभन्दा बढि भाषाहरुमा अनुवाद भएको धर्मग्रन्थ पनि हो । यो लेखमा बाइबल सम्बन्धी केही आधारभुत जानकारीहरु र साथै बाइबल सम्बन्धी रोचक तथ्यहरु प्रस्तुत गरिएको छ ।
१) बाइबल शब्द ग्रिक भाषाको “विवलोस” शब्दबाट आएको हो, जसको अर्थ “पुस्तकहरु” भन्ने हुन्छ ।
२) बाइबल संसारमा सबैभन्दा बढि भाषाहरुमा अनुवाद गरिएको पुस्तक हो । पुरै बाइबल वा आँशिक बाइबलगरी अहिलेसम्म बाइबल जम्माजम्मी ३३२४ भन्दा बढि भाषाहरुमा अनुवाद भइसकेको छ ।
३) बाइबल संसारमै सबैभन्दा बढि विक्रि वितरण गरिने पुस्तक हो । अहिलेसम्म ५ अरबभन्दा बढि बाइबल विक्रि वितरण भइसकेको अनुमान लगाइएको छ । एक सर्वेका अनुसार प्रतिवर्ष १० करोड बाइबलहरु छापिने गरिन्छन् । आजपनि प्रत्येक दिन २७३,९७२ वटा, प्रत्येक घण्टा ११४१५ वटा, प्रत्येक मिनेट १९० वटा भने प्रत्येक सेकेण्ड ३ वटा बाइबल विक्रि वितरण हुने गर्दछ ।
४) बाइबल करिब ४० जना लेखकहरुद्धारा करिब १६०० वर्षको ठुलो अन्तरालमा लेखिएको थियो ।
५) बाइबल मुलत हिब्रु, ग्रिक र आरमेइक गरी ३ वटा प्राचिन भाषाहरुमा लेखिएको थियो ।
६) बाइबल मुलत एशिया, युरोप र अफ्रिका गरी ३ वटा महादेशहरुमा लेखीएको थियो ।
७) बाइबलमा जम्माजम्मी ६६ वटा पुस्तकहरु रहेका छन् ।
८) बाइबललाई २ भागहरुमा बिभाजन गरिएको छ ः पुरानो करार र नयाँ करार
९) पुरानो करारमा ३९ वटा पुस्तकहरु छन् भने नयाँ करारमा २७ वटा पुस्तकहरु रहेका छन् ।
१०) बाइबलमा जम्माजम्मी १,१८९ वटा अध्यायहरु छन् ।
११) बाइबलमा जम्माजम्मी ३१,१०१ वटा पदहरु छन् ।
१२) बाइबलमा जम्माजम्मी १,२८० वटा प्रतिज्ञाहरु छन् ।
१३) बाइबलमा जम्माजम्मी ६,४६८ वटा आज्ञाहरु छन् ।
१४) बाइबलमा करिब ८,००० भन्दा बढी भबिष्यवाणीहरु छन् । बाइबलको जम्मा हिस्साको ३० प्रतिशत भाग भविष्यवाणीहरुले ओगटेको छ ।
१५) बाइबलमा उल्लेखित भविष्यवाणीहरु मध्ये ३,२६५ वटा भविष्यवाणीहरु पुरा भइसकेका छन् ।
१६) बाइबलमा जम्मा ३,२९४ वटा प्रश्नहरु छन् ।
१७) बाइबलमा उल्लेखित सबैभन्दा लामो नाउँ यशैया ८ः१ पदमा उल्लेख गरिएको “महेर–शालल–हाज–वज” हो ।
१८) बाइबलको सबै भन्दा लामो पद एस्तर ८ः९ पद हो ।
१९) बाइबलको सबैभन्दा छोटो पद युहन्ना ११ः३५ हो । जहाँ केवल “येशू रुनुभयो !” भन्ने लेखिएको छ ।
२०) बाइबलको मध्ये पुस्तकहरु मिका र नहुम हुन् ।
२१) बाइबलको मध्य पद भजनसँग्रह ११८ः५ पद हो ।
२२) बाइबलको सबैभन्दा लामो पुस्तक भजनसँग्रह हो, जसमा १५० वटा अध्यायहरु रहेका छन् ।
२३) बाइबलको सबैभन्दा छोटो पुस्तक २ युहन्ना हो, जसमा केवल १३ वटा मात्र पदहरु मात्र रहेका छन् ।
२४) बाइबलको सबै भन्दा लामो अध्याय भजनसँग्रह ११९ हो, जसमा १७६ वटा पदहरु रहेका छन् ।
२५) बाइबलको सबै भन्दा छोटो अध्याय भजनसँग्रह ११७ हो जसमा केवल २ वटा पदहरु मात्र रहेका छन् ।
२६) बाइबलमा “परमेश्वर” शब्द ३,५६८ पटक उल्लेख गरिएको छ ।
२७) बाइबलमा “परमप्रभु” शब्द ७,७३६ पटक उल्लेख गरिएको छ ।
२८) पुरानो करारमा जम्माजम्मी ९२९ वटा अध्यायहरु छन् ।
२९) पुरानो करारको मध्ये पुस्तक हितोपदेश हो ।
३०) पुरानो करारको मध्ये अध्याय अयुव २० अध्याय हो ।
३१) पुरानो करारको मध्ये पद २ इतिहास २०ः१७ र १८ पद हुन् ।
३२) पुरानो करारको सबैभन्दा छोटो पुस्तक ओबदिया हो, जसमा केवल २१ वटा पदहरु मात्र रहेका छन् ।
३३) नयाँ करारमा जम्माजम्मी २६० वटा अध्यायहरु रहेका छन् ।
३४) नयाँ करारमा जम्माजम्मी ७,९५७ वटा पदहरु रहेका छन् ।
३५) नयाँ करारको मध्ये पुस्तक २ थेसलोनिकी हो ।
३६) नयाँ करारको मध्ये पद प्रेरित २७ः१७ हो ।
३७) नयाँ करारको सबैभन्दा लामो पद प्रकाश २०ः४ पद हो ।
३८) नयाँ करारको सबै भन्दा लामो अध्याय लुका १ अध्याय हो, जसमा जम्माजम्मी ८० वटा पदहरु छन् ।
सम्बन्धित भिडियो...........
No comments:
Post a Comment