येशू पानीमाथि हिड्नुभएको घट्ना (मत्ती १४ः२२–३२)— मर्कूस ६ः४५–५६, यूहन्ना ६ः१६–२१
खण्ड अध्ययनः मत्ती १४ः२२–३२
के सिक्न सकिन्छ ?
१) ख्रीष्टियन विश्वास एक यात्रा हो । (२२ पद)
- मत्ती २८ः१९ः “यसकारण जाओ,.......”
२) येशूले हामीलाई डरमा छोड्नुहुन्न तर सान्त्वना दिनुहुन्छ । (२७ पद)
- तर झट्टै येशूले तिनीहरुलाई यसो भन्नुभयो, “साहस गर, म नै हुँ, नडराओ ।”
- बाइबलमा ३६५ पटक “नडरा” भन्ने शव्द प्रयोग गरिएको छ ।
- २तिमोथी १ः७ “किनभने परमेश्वरले हामीलाई डरको आत्मा होइन, तर शक्ति, प्रेम र आत्मसंयमको आत्मा दिनुभएको छ ।”
३) विश्वासका साथ कदम चाल्नुपर्दछ । (२९ पद)
- “पत्रूस डुङ्गाबाट ओर्लेर येशूकहाँ जानलाई पानीमाथि हिँड्न लागे ।”
- यशैया ४३ः२, “तँ पानीबाट भएर जाँदा म तेरो साथमा हुनेछु । तँ नदीहरुबाट भएर जाँदा तिनले तँलाई डुबाउनेछैनन् । तँ आगोबाट हिँडेर जाँदा डढ्नेछैनस् । त्यसको ज्वालाले तँलाई भष्म पार्नेछैन ।”
४) सँकटमा केवल प्रभुमा भरोसा राख्नुपर्दछ र उहाँको मात्र पुकारा गर्नुपर्दछ । (३० पद)
- तर बतास जोडले चलेको देखेर तिनी डराए, र जब डुव्नै लागे तब तिनले चिच्च्याएर भने, “हे प्रभु, मलाई बचाउनुहोस् ।”
- बतास जोडले चलेको (समस्या, चुनौति, कठिनाई, अभाव, सतावट) देखेर उनी डराए ।
- यशैया ४०ः३१ः “तर परमप्रभुको आशा गर्नेहरुको बल फेरि नयाँ हुनेछ । तिनीहरु गरुडझै माथि–मािथ उड्नेछन् , र दगुरेर पनि तिनीहरु थाक्नेछैनन् । तिनीहरु हिँड्नेछन् तापनि मूच्र्छा पर्नेछैनन् ।”
५) येशूले सहायता गर्नुहुन्छ । (३१ पद)
- तब येशूले झट्टै हात पसारेर तिनलाई समातिहाल्नुभयो, र तिनलाई भन्नुभयो, “ए अल्पविश्वासी, किन शङ्का ग¥यो ?”
- झट्टै हात पसारेर......(तुरुन्तै सहायता गर्नुभयो ।)
- मत्ती २८ः२०, “हेर म यूगको अन्त्यसम्म सधै तिमीहरुका साथमा छुँ ।”
No comments:
Post a Comment